பட்டாசு தடை

 காலையில் வெடிக்காதே;

வேலையத்தவன் வெடிக்கிறான் பாரு

என்பார்கள்..

மதியம் வெடிக்காதே;

கைக்குழந்தைகள் உறங்கும்

தொந்தரவு

மாலையில் வெடிக்காதே;

வேலை முடிந்து ஓய்வெடுப்பவர்களுக்குத்

தொல்லை..

இரவில் வெடிக்காதே;

ஆட்கள் உறங்குகின்றார்கள்

பட்டாசுகளை வாங்கிக்கொடுத்த

தந்தை போடும் கட்டளை இது..!

வெடி வெடிப்பவர்களுக்கு

அபராதம்

அரசாங்கம் ஏற்கனவே போட்டுவிட்டது

தடை உத்தரவு

எதையும் வெடிக்காமல்

வெடிகளைப்  பத்திரமாக வைத்துக்கொண்டு

ஏக்கத்துடன் காத்துக்கொண்டிருக்கின்றான்

பையன்

தீபாவளிக்காக..