தொடர்கதை

மழை பெய்வது
ஒரு வர்னனை

காற்று அடிக்கிறது
என்பதற்குச் சில
எடுத்துக்காட்டுகள்

சுட்டெரிக்கும்
சூரியனுக்கு
ஒரு வசை

கடல் அலைகளுக்கு
ஒரு விளம்பரம்

பிச்சைக்காரியின்
ஓட்டைச் சட்டைக்கு
ஒரு அறிமுகம்

பனியில் நனைந்த
மலருக்கு
ஒரு விளக்க உரை

புடவை கட்டிய
பெண்ணுக்கு
ஒரு வர்னனை

மழலையின்
அழுகைக்கும் சிரிப்புக்கும்
ஒரு அங்கீகார வாசகம்

குரைக்கும் நாயின்
குரலுக்கு
கணைக்கும் குதிரையின்
குளம்படிக்கும்
ஒரு உவமை

பறக்கும்
குருவிகளுக்கு
ஒரு வியக்கியானம்

தும்முவது
துப்புவது
கொட்டாவி
கெட்டாவி
எச்சில்..என எல்லாமே

இதில் எதுவுமே
இல்லாததால்
எனது கதைகள்
எப்போதுமே
குட்டிக் கதைகள் தான்..!!

கடத்தல்

மலம் கூட
உட்கொள்ளப்படுகிறது
போதை மாத்திரையாக
வெளிவரும் போது

ஏற்றுக்கொள்ளல்

என்னை நீ
எனக்காகவே
ஏற்றுக்கொள்ளும்போது
நான்
நானாகவே
பரிணமிக்கிறேன்

அறிவிப்பு பலகை

என் வீட்டிற்குள் வர
அழைப்பு மணியை அழுத்தவும்
நாய்கள் ஜாக்ரதை என்கிற
அறிவிப்புப் பலகை இல்லை

கவசம்

நீ என்னைப் பின் தொடரும் தருணங்களில், 
உன்னால் பொறுக்கப் படும் கற்களை 
நான் எண்ணிக் கொண்டிருக்கிறேன். 
நமது இடவெளி நீளும் போது, 
நீ எறிகிற கற்களால் 
எனக்குச் சேதம் வராமல் 
என்னை நான் தற்காத்துக் கொள்ள 
கவசம் தேடிக் கொள்கிறேன்.. 
புன்னகையில்...

நித்தமும்

எச்சரிக்கையாக 
இருக்கும் போது தான்
ஒன்னை நினைத்து 
உன்னை எழுதுகிறேன்..

பழகத்தெரியும்

மொக்கை கூட சுவாரஸ்யம்தான்
எழுதத் தெரிந்தவனுக்கு

புல் கூட அழகுதான்
நடத்தெரிந்தவனுக்கு


நான் கூட தேவதைதான்
பார்க்கத்தெரிந்தவனுக்கு

நீ கூட நண்பன்தான்
பழகத்தெரிந்த எனக்கு